Hejmpaĝo > Gazetaraj komunikoj > Ĉarto de regionaj lingvoj [2014-01-24]

Ĉarto de regionaj lingvoj [2014-01-24]

vendredo 24a januaro 2014

Francujo subskribis en 1999 la Eŭropan Ĉarton de regionaj lingvoj, sed ne ratifis tiun ĉarton pro malkongruo kun la Franca Konstitucio. La Nacia Asembleo debatis ĉi merkredon, la 22an de januaro 2014, pri projekto de konstitucia leĝo pri tiu temo1, kiu estu voĉdonita sekvan mardon, la 28an de januaro. La titoloj de la ĵurnaloj pri tio montris ke tiu demando estas malfacila el jura vidpunkto : "dorna demando" por Le Figaro, "jura kaprompilo" por France3 Bretagne. La debatoj estis "tumultaj". Sed tiu debato ne mobilizis la deputitojn : Trideko da ĉeestantoj2 el 577, t.e. 5 % de la reprezentantoj de la franca popolo.

Eŭropo­-Demokratio­-Esperanto memorigas la gravecon de la lingvo aŭ lingvoj en la demokratia vivo. Demokratio ne nur estas balotilo kiun oni metas en balotujon, sed ankaŭ kaj precipe demokratia debato, por trovi kune la plej bonajn solvojn por la kolektive konfrontendaj problemoj. Tiu debato fareblas nur per lingvo komuna al ĉiuj partoprenantoj.

Je nivelo de Francujo, ni aflikte konstatas tiun malintereson de niaj reprezentantoj pri la problemoj de la lingvo(j), kvankam la lingvo estas unu el la piedoj de la naci-ŝtatoj kiuj konsistigas Eŭropon kaj aparte Francujon.

La problemo similas, eĉ pli gravas, je nivelo de Eŭropa Unio. Oficiale la Unio promocias la lingvan diversecon, sed praktike la eŭropa administracio komunikas nur angle. La konsekvenco estas ĉiam pli larĝa fendo inter tiu administracio kaj la diversaj popoloj el kiuj konsistas la Eŭropa Unio. Demokratia debato forestas je nivelo de la tuta Unio.

La 25an de majo 2014, post kvar monatoj, okazos en Francujo la balotoj de la deputitoj por la Eŭropa Parlamento. Ekde trideko da jaroj, tiuj balotoj estas plikajpli neglektitaj de la balotantoj, oni povas antaŭvidi partoprenon de apenaŭ pli ol triono de la balotantoj en tiuj balotoj de majo 2014.

Eŭropo­-Demokratio­-Esperanto (Francujo) prezentos kandidatlistojn en la diversaj balotregionoj, por ebligi al la balotantoj esprimi sian deziron de demokratia debato je nivelo de Eŭropa Unio, per lingvo komuna kaj justa, apartenanta al neniu aparta nacia grupo, la internacia lingvo Esperanto.

Sed Eŭropo­-Demokratio­-Esperanto ankaŭ alvokas ĉiujn politikajn partiojn alproprigi la demandon de la lingvoj, kiuj estas nemalhaveblaj en la politika vivo de lando aŭ de ajna politika strukturo. Artikolo 4 de la Franca Konstitucio indikas ke "La politikaj partioj kaj grupoj konkuras por la voĉdono" : Necesas ke ĉiuj partioj kunlaboras en tiu vojo, por ke la demokratio meritu sian nomon.

Pierre Dieumegard, sekretario de Eŭropo-Demokratio-Esperanto (Francujo)


1 www.assemblee-nationale.fr
2 alsace.france3.fr
Gazetara komuniko

Europe-Démocratie-Espéranto (France) : http://e-d-e.fr
courriel : presse@e-d-e.org ; 98 rue Michel-Ange, 75016 Paris

Eŭropo-Demokratio-Esperanto : http://www.e-d-e.org/

JPEG - 12.3 kb
filmeto FR 2014
JPEG - 3.5 kb
filmeto FR 2009
JPEG - 4.5 kb
filmeto DE 2009
JPEG - 3.3 kb
filmeto FR 2004

revue ESPERANTO-info


Elŝutu la novajn informilojn :

[eo] Informilo 2009 (PDF, 887kb) {PDF}

Dokumentoj

SPIP | | Mapo de la retejo | Gvati vivon de la retejo RSS 2.0