Hejmpaĝo > Gazetaraj komunikoj > Internacia tago de gepatra lingvo [2016-02-21]

Internacia tago de gepatra lingvo [2016-02-21]

dimanĉo 14a februaro 2016

Internacia tago de gepatra lingvo
Dankon, S-ro Klaus Welle, kaj sukceson !
(gazetara komuniko de la 18a de februaro 2016)

Post kelkaj tagoj, la 21-an de februaro, okazos la Internacia tago de la gepatra lingvo (1). S-ino Irina Bokova, ĝenerala direktoro de Unesko, deklaras : « Kadre de multlingva alirmetodo, la gepatraj lingvoj estas la esencaj konsistaĵoj de altkvalita kleriĝo, kiu mem estas la fundamento de la aŭtonomiĝo de la individuoj kaj de iliaj societoj ».

Antaŭ kelkaj tagoj, S-ro Klaus Welle, ĝenerala sekretario de la Eŭropa parlamento, petis la parlamentanojn interveni en sia nacia lingvo kaj ne en la angla : « Ĉesu paroli angle, parolu malrapide kaj parolu vian gepatran lingvon » (2) por ebligi la interpretistojn labori ĝuste, por ke la vortoj de la parolantoj povu esti komprenataj de ĉiuj.

Ĉu en la kampo de la kulturo kaj civila societo, ĉu en la politika kampo, la diskurso de ĉiu estas pli preciza kaj pli nuancita, do pli klara, kiam oni parolas sian gepatran lingvon anstataŭ fremdan lingvon malfacilan kiel la angla.

La internaciaj organismoj, kaj aparte la Eŭropa Unio, suferas la dominadon de la angla. Unuflanke la malfacileco de tiu lingvo kondukas al komprenmalfacilaĵoj. Aliflanke, kaj plej grave por institucioj supozataj demokratiaj, la uzo de nacia lingvo kiel internacia lingvo kondukas al diskriminacioj inter la civitanoj de diversaj originoj.

Ekde pli ol jarcento, la internacia lingvo Esperanto, simpla kaj preciza, ebligas justan komunikadon inter civitanoj de diversaj landoj. Por certigi la egalecon en la Eŭropa Unio, unue necesas egaleco inter la lingvoj, per Esperanto.

Dankon, S-ro Welle, por viaj penoj por pli bona komunikado en la Eŭropa parlamento, kaj sukceson por atingi la plej bonan solvon por ĉiuj : la ĉeesto de Esperanto apud la aliaj lingvoj !

Ĉiu uzu sian denaskan lingvon, por ĉiuj unu frateca lingvo !

Pierre Dieumegard, sekretario de Eŭropo-Demokratio-Esperanto (Francujo), +33-665 778 668


1 : unesdoc.unesco.org --- unesco.org/celebrations
2 : euobserver.com


Europe-Démocratie-Espéranto (France) : e-d-e.fr ; courriel : presse@e-d-e.org ; 98 rue Michel-Ange, 75016 Paris

Eŭropo-Demokratio-Esperanto : e-d-e.org

JPEG - 12.3 kb
filmeto FR 2014
JPEG - 3.5 kb
filmeto FR 2009
JPEG - 4.5 kb
filmeto DE 2009
JPEG - 3.3 kb
filmeto FR 2004

revue ESPERANTO-info


Elŝutu la novajn informilojn :

[eo] Informilo 2009 (PDF, 887kb) {PDF}

Dokumentoj

SPIP | | Mapo de la retejo | Gvati vivon de la retejo RSS 2.0