Hejmpaĝo > Gazetaraj komunikoj > En Krimeo kaj aliloke [2014-03-16]

En Krimeo kaj aliloke [2014-03-16]

dimanĉo 23a marto 2014

En Krimeo kaj aliloke, la popolo devas povi elekti sian destinon

La 16an de marto 2014

Eŭropo-Demokratio-Esperanto konstatas la disigon inter Krimeo kaj Ukrainio. La rajto de la popoloj je libera elekto pri si mem estas principo sufiĉe simple aplikebla, kiam la koncernataj popoloj estas klare difinitaj kaj vivas sur kontinua teritorio.

Bedaŭrinde la geografio, heredita el la Historio, montras, ke la homaj realaĵoj estas malpli simplaj. La malĝoja ekzemplo nuna de Rusio, Ukrainio kaj Krimeo montras, ke kiam popoloj el malsamaj kulturoj vivas ene de sama politika strukturo, la streĉoj inter tiuj loĝantaroj ebligas ke la demokrataj aranĝoj fariĝas malefikaj.

Ene de la Eŭropa Unio, ni ĉiuj povas observi kreskon de la eŭro-dubemo, tio estas malfido al la politikaj strukturoj de la Unio kaj al ties respondeculoj. Tio ofte travideblas per la deziro je pli granda graveco de la nacia skalo. Ankaŭ en la Eŭropa Unio, la kunekzistado de popoloj, kun malsamaj lingvoj kaj kulturoj igas malfacila la funkciadon de institucioj, origine konceptitaj demokrateco-cele !

Tial, Eŭropo-Demokratio-Esperanto (Francio) vokas la respondeculojn de la Eŭropa Unio, kaj precipe tiujn de la Komisiono, ke ili ekkonsciu pri la graveco de la politikaj problemoj, kaŭzitaj de la lingva kaj kultura diverseco.

Unue, kaj rapide, estas necese, ke ili montru per diplomataj rimedoj al la respondeculoj de Rusio kaj Ukrainio, ke referendumo, organizita nur du semajnojn post perforta povo-preno, ne povas inde reprezenti la volon de la loĝantoj de Krimeo.

Due, kaj je pli longa temp-limo, estas necese, ke en la Eŭropa Unio, ili klopodu disvolvi la ilojn por demokrata debato. Tiu estas nun sufokita de la nuranglalingva funkciado de la institucioj, en plena kontraŭdiro de la diversaj lingvoj, uzataj de la eŭropaj civitanoj.

Kiel Partio de Civitanoj, E.D.E. (Eŭropo-Demokratio-Esperanto) ja zorgas pri la sorto de la civitanoj en Eŭropo.

Pierre Dieumegard, sekretario de Eŭropo-Demokratio-Esperanto (Francujo)


Gazetara komuniko

Europe-Démocratie-Espéranto (France) : http://e-d-e.fr
courriel : presse@e-d-e.org ; 98 rue Michel-Ange, 75016 Paris

Eŭropo-Demokratio-Esperanto : http://www.e-d-e.org/

JPEG - 12.3 kb
filmeto FR 2014
JPEG - 3.5 kb
filmeto FR 2009
JPEG - 4.5 kb
filmeto DE 2009
JPEG - 3.3 kb
filmeto FR 2004

revue ESPERANTO-info


Elŝutu la novajn informilojn :

[eo] Informilo 2009 (PDF, 887kb) {PDF}

Dokumentoj

SPIP | | Mapo de la retejo | Gvati vivon de la retejo RSS 2.0