Hejmpaĝo > Gazetaraj komunikoj > Malordo por la transnaciaj listoj en 2019 [2018-02-18]

Malordo por la transnaciaj listoj en 2019 [2018-02-18]

merkredo 21a februaro 2018

La 18an de februaro 2018

Merkredon, la 7-an de februaro 2018, la Eŭropa Parlamento malakceptis la projekton de transnaciaj listoj por la sekva eŭropa baloto. Eŭropo-Demokratio-Esperanto tion bedaŭras.

Kvankam la Eŭropa Konsilo de la baldaŭa 23-a de februaro estas la organo devanta decidi la balotkondiĉojn, tiu voĉdono de la Eŭropa Parlamento, kun neta plimulto de 368 voĉoj kontraŭ 274, estis klara kaj do decida.

Tamen, tiun proponon aprobis la komisiono de la Konstituciaj Aferoj de la Eŭropa Parlamento en la pasinta januaro : « La enkonduko de tia voĉdondistrikto fortigus la nocion de la eŭropa civitaneco kaj le eŭropan karakteron de la balotoj por la Eŭropa Parlemento. » La kaŭzoj kiuj kondukis la tuton de la eŭro-deputitoj malakcepti la transnaciajn listojn, estas malpli klaraj, ofte markitaj de naciaj konsideroj. Multaj britaj eŭro-deputitoj voĉdonis kontraŭ, dum Britujon ne koncernas tiu voĉdono.

Ŝajne oponas la malgrandaj landoj por ne favorigi la grandajn landojn povantajn meti konatajn homojn kiel listestro. Tio ne vere estas argumento fondita sur motivoj de la ĝenerala politiko de la Eŭropa Unio.

En Francujo, certaj homoj kiel Franck Proust (eŭro-deputito ’LR’), deklaris « Ili reprezentus belan donacon por Marine Le Pen kaj Jean-Luc Mélenchon, kiuj ne hezitus kapti ĝin por denunci Eŭropon supernacian kaj malkonektitan de le realeco ». Uzi kiel preteksto "la aliaj", kiu povas diri tion aŭ jenon, apenaŭ konvinkas. Le reveno al unusola balotdistrikto en Francujo povas esti vidata ankaŭ kiel malkonekto inter la elektitoj kaj ilia politika bazo, kaj tamen tion subtenas la Fronto Nacia kaj Francujo Ribelema.

La granda problemo de la Eŭropa Unio estas sukcesi atingi sian devizon « Unueco en diverseco » kaj sian oficialan funkcimodon, la demokration. La preskaŭ nura uzo de la angla en la gvidaj instancoj tranĉas ilin de sia bazo de balotantoj, kaj malhelpas la demokratian debaton en la tuta Unio.

Por havi tian debaton, sekve demokration konforman al la statutoj de la Unio, necesas lingvo neŭtrala, justa, facila kaj preciza. Tiu lingvo ekzistas, ĝi estas Esperanto. Kun aŭ sen transnaciaj listoj, kun unu ou pluraj balotdistriktoj, en Francujo, Eŭropo-Demokratio-Esperanto daŭrigos labori por ebligi demokratian debaton en Eŭropo.



        Pierre Dieumegard, prezidanto
        de Eŭropo-Demokratie-Esperanto (Francujo)



Europe-Démocratie-Espéranto (Francujo) : http://e-d-e.fr
retpoŝto : presse@e-d-e.org
98 rue Michel-Ange, 75016 Paris
Eŭropo-Demokratio-Esperanto : http://www.e-d-e.org

JPEG - 12.3 kb
filmeto FR 2014
JPEG - 3.5 kb
filmeto FR 2009
JPEG - 4.5 kb
filmeto DE 2009
JPEG - 3.3 kb
filmeto FR 2004

revue ESPERANTO-info


Elŝutu la novajn informilojn :

[eo] Informilo 2009 (PDF, 887kb) {PDF}

Dokumentoj

SPIP | | Mapo de la retejo | Gvati vivon de la retejo RSS 2.0